Таков учител, таква личност, се раѓа еднаш во столетието, но едновремено и се гради во домот на своите родители и во средината во која живее и се развива.
Неговиот ум беше преполн со толку мисли и желби, што веруваше дека може да го прероди светот и во него да блеснат слободата и правдината.
Неговата визија е сосредоточена во народот и обратно, народот е во неа.
„Да се осознае, да се просвети и издигне народот на едно одредено културно ниво, значи да се изврши „МОРАЛНА РЕВОЛУЦИЈА”, која е така потребна за еден решителен пресврт на односите во македонската стварност.
МОРАЛНАТА РЕВОЛУЦИЈА” за Делчев е РЕВОЛУЦИЈА НА УМОТ, СРЦЕТО И ДУШАТА НА ЕДЕН НАРОД”.
Ете, зошто така самопрегорно тој го прегрна учителскиот позив и културно-просветната мисија, бидејќи за вистински родољуб, патриот и револуционер, друг пат нема.
Токму во тоа е суштината на неговата мисла:
“ЈАС ГО РАЗБИРАМ СВЕТОТ ЕДИНСТВЕНО КАКО ПОЛЕ ЗА КУЛТУРЕН НАТПРЕВАР МЕЃУ НАРОДИТЕ”.
EURITMIA 